Հարցազրույց Reincarnation խմբի հիմնադիր և մեներգիչ Ռոլանդ Գասպարյանի հետ

Հարցազրույց Reincarnation խմբի հիմնադիր և մեներգիչ Ռոլանդ Գասպարյանի հետ

Երեկ՝ նոյեմբերի 12-ին, Mezzo Classic House-ում տեղի ունեցավ Reincarnation Orchestra-ի շատ սպասված համերգը։ Ձեզ ենք ներկայացնում մեր լրագրող Մարի Սևոյանի հարցազրույցը խմբի հիմնադիր և մենակատար Ռոլանդ Գասպարյանի հետ։  

Մարի,- Ողջույն ես Մարին եմ՝ Reservin․am կայքից։ Մենք զբաղվում ենք սննդի սպասարկման և ժամանցի վայրերում սեղանների առցանց ամրագրմամբ, ինչպես նաև  ունենք բլոգ, որտեղ ներկայացնում ենք քաղաքում տեղի ունեցող հետաքրքիր միջոցառումները՝ հարցազրույցների կամ ֆոտոլուսաբանման տեսքով։

Ռոլանդ,- Բարի Մարի ջան, շատ հետաքրքիր բան եք մտածել, չգիտեի, որ մեր մոտ էլ կա նման ծառայություն։

Մարի,- Ի դեպ, նոյեմբերի 30-ին մենք տոնում ենք մեր գործունեության առաջին տարեդարձը և սիրով հրավիրում ենք Ձեզ և Ձեր խմբին մասնակցել մեր Birthday Party-ին։

Ռոլանդ,- Այսօր ես հետ եմ վերադառնում Լոս Անջելես և վերադառնում են հենց ամսի 30-ին՝ 8:15 արդեն Երևանում եմ լինելու: Եթե թռիչքից հետո «ողջ» լինեմ, անպայման կգամ և կմիանամ Ձեզ: (Ծիծաղելով)

Մարի,- Շատ լավ, սիրով կսպասենք Ձեզ: Եվ այսպես 1-ին հարցը՝ երբ 2001 թվականին սկսեցիք Ձեր գործունեությունը, ներկայանում էիք որպես Hard Rock կատարող խումբ, սակայն 2007 թվականին ոճային փոփոխություն կատարեցիք ու դարձաք Reggae խումբ: Ի՞նչ պատահեց, ի՞նչն էր ոճային փոփոխության պատճառը:

Ռոլանդ,- Rock-ը ամենալավ սկիզբն էր, որովհետև այսօրվա ամրությունն ու դրայվը եկել է հենց ռոքից: Reggae-ն այս ամենի բարի կողմն է, բարիությունը, դրականը: Ամբողջ հարցը նրանում է, որ այսօր շատերը մեզ անվանում են Reggae բենդ: Ցանկացած արժեք, երբ ինչ որ  «անուն» է ձեռք բերում, միանգամից արժեզրկվում է: Եկեք մեզ անվանենք ո՛չ Reggae խումբ, ո՛չ էլ Hard Rock խումբ: Այդ ամենը իմ մտքի, հոգու ռեինկառնացիան է: Այդ ամենը նրա արդյունքն է, որ ես տարբեր ժամանակներ տարբեր ձևով եմ կյանքին նայել: (Ժպիտով)

Մարի,- Ձեր երգերը դրական են ու հիմնականում խոսում են սիրո մասին: Ին՞չն է պատճառը:

Ռոլանդ,- Չէի ասի, որ բոլորն են սիրո մասին: Անցյալում այդպես էր: Չնայած, սիրո արտացոլանքը տարբեր մարդիկ տարբեր կերպ են տեսնում: Մարդ կա տեսնում է իլյուզիաները, մարդ էլ կա տեսնում է այն, ինչ կա: Կան երգեր ինձ շատ հուզած սոցիալական հարցերի վերաբերյալ, կան հավատքի հետ կապված երգեր: Ցանկացած  նորմալ,առողջ միտք ունեցող մարդ ինչից-որ նեղվում է, դրա մասին էլ խոսում է: Ես էլ երգում եմ։

Մարի,- Փաստորեն Ձեր երգերը անմիջականորեն կապված են ձեր ներաշխարհի հետ: 

Ռոլանդ,- Այո, ինձ հաճախ հարցնում են «Ո՞նց ես երգ գրում»: Անկեղծ ասում եմ՝ կներեք, բայց չեմ կարող պատասխանել, չգիտեմ, թե դա ոնց է ստացվում: Դա ես չեմ անում, դա ի վերուստ է եկել: Ոչ մի դեպք չեմ հիշում, թե ինչպես եմ երգ գրել: Շատ հեքիաթային ձևերով (Ծիծաղելով)։

Մարի,- Ի՞նչ է անում Ռոլանդ Գասպարյանը ազատ ժամանակ: Հոբբի ունե՞ք։

Ռոլանդ,- Հոբբիներ շատ չունեմ: Ճիշտն ասած ժամանակ չեմ էլ ունենում, բայց հոբբիներիս առաջին տեղում են ֆիլմերը: Ինձ համար ֆիլմը նույնն է, ինչ ես անում եմ երգի հետ: Բոլոր երգերս հատիկ հատիկ ունեն ֆիլմ իմ մտքում: Նույն կերպ էլ ստեղծվում են տեսահոլովակների մտքերը՝ երգը լսում եմ ու պատկերացնում, թե ինչպիսին կարող է լինել տեսահոլովակը և որն է այդ երգի պատմությունը: Ուրախ եմ, որ ոչ ոքից կախում չունենք:

Մարի,- Դուք հայտնի եք որպես շատ անմիջական մարդ, իսկ ինչպիսի՞ կապ եք զգում ձեր և երկրպագուների միջև: Կարիք ունե՞ք էներգետիկաների փոխանակման:

Ռոլանդ,- Շատ եմ սիրում ստատուսներ գրել ու կապի մեջ լինել երկրպագուներիս հետ: Նույնիսկ կիսել այն, ինչ կարելի էր չասել: Շատերը սպասում են, որ այնպիսի մի բան ասվի, որ քննադատեն: Ես շատ շնորհակալ եմ շատերին,որ իմ դեպքում դեռևս ոչմի ավելորդ բան չի եղել:

Մարի,- Վերջերս մեկնել էիք Եվրոպա շրջագայության, իսկ հուլիսի 7-ին տեղի ունեցավ ձեր շրջագայության տեսաերիզի շնորհանդեսը:  Եվ այն ազատ հասանելի է Ձեր կայքում և համացանցում, ո՞րն էր դրա նպատակը, ավելի ամրացնել Ձեր և երկպագուների միջև կապը, թե՞․․․

Ռոլանդ,- «Մի գդալ սեր» ալբոմից և Sharm Holding-ի հետ համագործակցությունից հետո որոշեցինք, որ ամեն ինչ մենք ինքներս պետք է անենք և չվաճառենք CD-ներ, DVD-ներ: Այդ ամենին հավասար այնպես արեցինք, որ մեր պաշտոնական կայքից անվճար ներբեռնեն մեր երգերը:

Մարի,- Եեեվ արդյունքում երկրպագուներին ավելի հասանելի եք դարձրել ձեր արվեստը:

Ռոլանդ,- Այոոո, և թու՛, թու՛, թու՛ ստացվել է:

Մարի,- Երկրպագուներին ձեր գործունեությանը ավելի մոտ դարձնելու համար նաև ստեղծել եք բջջային հավելված, որը իր տեսակի մեջ առաջինն է Հայաստանում: Ի՞նչր սրա դրդապատճառը հադիսացավ:

Ռոլանդ,- Կրկին հնարավորության հարցն էր: Այսօր հարյուր հոգի կարող է համացանցից ստանալ լիքը չարիք, բայց ցանկության դեպքում հարյուրց մեկը կարող է ստանալ նաև լիքը լավ ու դրական ինֆորմացիա:

Մարի,- Մի խոսքով դուք քարոզում և տարածում եք դրական էմոցիաներ: (Ուրախությամբ)։ Շատ շնորհակալ եմ ժամանակ տրամադրելու համար: Մաղթում եմ բարի ելույթ, թեթև թռիչք և բարի վերադարձ, հուսամ կհանդիպենք նոյեմբերի 30-ին:

Ռոլանդ,- Ձեզ եմ շնորհակալ: Ես էլ Ձեզ եմ հաջողություն մաղթում։

Մեր մյուս հետաքրքիր հոդվածները կարդալու համար սեղմեք այստեղ:

 

 

2652

(*). նշվածները պարտադիր են լրացման

 

Liana Hayrapetyan Նոյեմբեր 14, 2016

Ստացված համերգ էր․Շատ լավ անցավ ամեն ինչ։Շնորհակալություն ․
Alina Նոյեմբեր 13, 2016

Միշտ հավես ու հետաքրքիր հոդվածներ եո դնում. Սկսել եմ սպասել նոր հոդվածների արդեն. Մեկ էլ ես էլ չգիտեի, որ կայքը ամրագրման ծառայություն ունի. Դզեց այսուհետ միայն ամրագրելով տեղ կգնամ ❤
^ Վեր