Ի՞նչ են ուտում տիեզերքում. «Տիրեզերական» սնունդ»

Որքան էլ տարօրինակ է, բայց տիեզերքը հարուստ և ընդարձակ է նաև իր կերակրացանկով: Գրեթե բոլորին էլ հետաքրքրել է այն հարցը, թե ինչ են ուտում տիեզերագնացները: Reservin Armenia-ն այս անգամ անդրադարձել է տիեզերական սննդին:

Տիեզերագնացների ուտելիքը համարվում է ամենաառողջարարը: Այն պայմանները, որտեղ տիեզերագնացները բնակվում են, հաճախ լինում են էքստրեմալ, իսկ դա լուրջ սթրես է օրգանիզմի համար: Այդ պատճառով նրանց ուտելիքին հատկացվում է լուրջ ուշադրություն:

Վիտամիններով և միկրոէլեմենտներով հարուստ, առողջ սնունդ, որը անցնում է յուրահատուկ նախապատրաստական փուլ: Ճաշացանկը պետք է պատրաստվի այնպես, որ այնտեղ լինի 300 գրամ ածխաջուր, 100 գրամ սպիտակուց և 118 գրամ ճարպեր: Տիեզերագնացների համար ուտելիք պատրաստելու ամենակարևոր հանգամանքըն այն է, որ չպետք է լինի փշրվող մթերք, քանի որ փշրանքները դժվար կլինի հավաքելը և դրանք կարող են ներթափանցել շնչառական սարք՝ վտանգելով տիեզերագնացների կյանքը:

Սնունդը պատրաստելիս խոհարարները չեն օգտագործում լոբի, սխտոր և նմանատիպ ստամոքսային խնդիրներ առաջացնող մթերքներ: Տիեզերքում կանանց համար նախատեսված ուտելիքը պետք է ունենա 2800 կիլոկալորիա, իսկ տղամարդկանցը՝ 3200:  Տիեզերական մենյուում ընգրկվելուց առաջ յուրաքանչյուր ուտելիք անցնում է փորձնական փուլ: Տիեզերագնացները փորձում են ուտելիքն ու գնահատում 10 բալանոց համակարգով, որից հետո ուտելիքը պահպանում են հատուկ սրվակների, կամ տարաների մեջ:

1961 թվականին առաջին տիեզերագնաց Յուրի Գագարինը կերել է 2 սրվակ պյուրեացված միս և 1 սրվակ շոկոլադե սոուս: Ժամանակի ընթացքում տիեզերական խոհանոցը կատարելագործվել է: Այսօր տիեզերագնացները կարող են ուտել ոչ միայն առողջ, այլև յուրահատուկ ու համեղ սնունդ, օրինակ՝ տակոներ, սուշի:

2003 թվականին չինացի տիեզերագնաց Յանգ Լիվեին իր հետ տիեզերք է տարել է Յուհիյանգ խոզի միս, բրինձ, Քունգ պաո հավ և չինական բուսական թեյ: Այդ ուտելիքները վաճառվել են նաև սուպերմարկետներում: Իսկ նախորդ տարի իտալուհի Սամանտա Քրիստոֆորետտին առաջին անգամ տիեզերքում թարմ սուրճ է փորձել: Lavazza ընկերությունը պատրաստել էր հատուկ espresso մեքենա, որն անվանել էին IISpresso (International Space Station):

Տիեզերքում համային խիստ փոփոխություններ չեն նկատվում: Երբեմն աղին կարող է թվալ թթու, իսկ թթուն՝ աղի: Երկրի վրա չսիրելի ուտելիքն այնտեղ կարող է դառնալ սիրելի: Nassa-ն շարունակում է զբաղվել նոր, համապատասխան ուտելիքների մշակմամբ:

Իսկ եթե Ձեզ հետաքրքրում է այն ամենը, ինչ կապված է տիեզերքի հետ, ապա կարող եք մասնակցել ապրիլի 22-ին կայանալիք Space Apps Challenge-ին, որն առաջին անգամ  է անցկացվելու Հայաստանում՝ Բյուրականում: