Յուրաքանչյուր քաղաք իր վերջնական տեսքն ու կոլորիտը ձևավորում է քաղաքային կյանքում մեծ դեր ու տեղ ունեցող սննդի կետերի շնորհիվ: Reservin Armenia-ն շրջում է քաղաքում և բացահայտում փողոցային սննդի այն կետերը, որտեղ վաճառվում են ամենահամեղ ուտելիքները:
Այս անգամ մեր դիտակետում էր Գ. Քոչար և Տերյան փողոցների խաչմերուկում գտնվող սննդի կետը: Առաջին հայացքից այս վայրը նման է սրճարանի, բայց իրականում նախատեսված է ուսանողների և քաղաքացիների քաղցն արագ հագեցնելու համար: Մոտենալով մուտքին, արդեն զգում ես թարմ կարկանդակների անուշաբույր հոտը: Այն բույրը, որը գրավում է քեզ ու ստիպում փորձել այդ համեղ ուտեստներից որևէ մեկը: Հաճախորդների կողմից ամենապահանջված ուտելիքն այստեղ հավից պատրաստված կարկանդակներն են: Սիրված են նաև բաց և փակ պիցցաները:
Վայրը վստահություն է ներշնչում իր մաքրությամբ, քանի որ յուրաքանչյուր ուտելիք պատրաստվում է հենց հաճախորդի աչքի առաջ: Ուտելիքը գնորդին է հասնում մաքուր ու նախապես պատրաստված պոլիէթիլենային տոպրակներով: Այստեղ ուտելիք կգտնվի անգամ ամենաքմահաճ հաճախորդների համար, անկախ նրանից, թե ինչ համային սնունդ եք նախըտրում: Այնպես որ, եթե երբևէ հայտնվեք այդ խաչմերուկում հագեցրեք ձեր քաղցն այս սննդի կետի խորտիկներով:
.jpg)
.png)