Ի՞նչ ուտել Երևանի փողոցներում

Արագ ու համեղ, ի՞նչ ուտել, երբ շտապում ես ու փողոցում ես: Reservin Armenia-ն շրջեց Երևանի փողոցներում, փորձելով գտնել այս հարցի պատասխանը: Երևանում կան բազմաթիվ սննդի կետեր, որտեղից կարել է համեղ ուտելիք գնել, բայց մեր ուշադրությունը գրավեց Tasty Truck-ը,  որը թարգմանաբար նշանակում է համեղ բեռնատար: 

Tasty Truck-ի գաղափարը բավականին տարածված է աշխարհի շատ երկրներում, բայց, պատահական չէ, որ դրա հայրենիքը fast food-ի սիրահար ԱՄՆ-ն է: Tasty Truck-ը բեռնատար-շարժական մեքենա է, որտեղ կարելի է գնել սենդվիչներ, աղցաններ, թարմ հյութեր, պաղպաղակ, կրուասաններ, donut-ներ: Արդեն 2 ամիս է, ինչ Tasty Truck-ը Երևանում է՝ Սայաթ-Նովա 15 հասցեում: Իսկ մինչ այդ այս համեղ բեռնատարը գտնվում էր Ծաղկաձորում:

Tasty Truck-ի վաճառողներից Արման Դավթյանը մեզ պատմեց, որ հիմնականում այստեղից գնումներ կատարում են երեկոյան ժամերին. «Երեկոյան շատ են գալիս, գնում են հիմնականում սենդվիչներ, քաղցրավենիք՝ Donut-ներ, ըստ եղանակային պայմանների շատ են ուտում նաև պաղպաղակ»:

Պաղպաղակն այստեղ իսկապես ամենավաճառվողներից է, այդ հանգամանքը հասցրինք նկատել նաև մենք: Tasty Truck-ի առավելություններից մեկն այն է, որ այստեղ մատչելի գներ են և կա ընտրության հնարավորություն:

Համեղ ուտելիքներից մեկն էլ հավով սենդվիչն է: Այստեղ Ձեզ կդիմավորեն ժպտերես աշխատակիցները և կմատուցեն սնունդ: Սա այն դեպքերից է, երբ լավ սպասարկումից ախորժակդ ավելանում է: Պետք է նշել նաև մաքրության մասին, սենդվիչները և նմանատիպ ուտելիքները Ձեզ վաճառում են հարմար ու մաքուր արկղերով, թղթե տոպրակներով, որն ուտելն ավելի հաճելի է դարձնում: Վաճառողների խոսքերով կարևոր ու յուրահատուկ ուտելիքն այստեղ գերմանական նրբերշիկներով պատրաստված հոթ-դոգերն են:

Այսպիսով եթե հայտնվել եք Սայաթ-Նովա փողոցում ու չգիտեք ինչ ուտել, առաջարկում ենք փորձել հենց Tasty Truck- ի համեղ ուտելիքները: