Ամառն իր հետ բերում է ոչ միայն նոր հույզեր ու գեղեցիկ ակնթարթներ, այլև հետաքրքիր ու տարբերվող վայրեր, որտեղ կարելի է անցկացնել հաճելի ժամանց: Հյուսիսային պողոտայի բազմաթիվ սրճարաններին և բարերին ավելացավ ևս մեկը՝ The View Lounge-ը: Բացման երեկույթն արդեն իսկ խոսում էր վայրի ինքնատիպության մասին:
Հյուսիսային պողոտայի ուշադրությունը սևեռված էր հենց այստեղ, քանի որ արդեն սովորական դարձած DJ-ների ֆոնային երաժշտությունն ապահավում էին նաև թմբուկները: Երեկույթի DJ-ը DJ Valeria-ն էր: Երաժշտական ձևավորումն ամբողջացնում էր Մարինե Հակոբյանը ՝ Marbey-ը: Հյուրասիրության հետաքրքրությունն այն էր, որ թխվածքները մատուցում էին հատուկ սպասքով՝ թափանցիկ տարաներով:
Բացման շնորհանդեսը վարում էր շատերի կողմից սիրված Նորայր Եղյանը: Իսկ ամենահետաքրքիրն ու յուրօրինակը այստեղ հատուկ հյուրն էր՝ հեղինակային խոհանոցի վարպետը: Ռուստամ Թանգիրովը master-class էր անցկացնում, զարմացնելով բոլոր ներկաներին: Դե ինչ, շտապե՛ք այցելել Հյուսիսային Պողոտա 3.85/1՝ The View Lounge:
