Թատերական Գաստրոխուզարկություն

Թատերական Գաստրոխուզարկություն

Հեղինակ՝ Ալլա Զաքարյան


Որտե՞ղ են սնվում դերասանները ամենօրյա փորձերի ու ներկայացումների արանքում և որտե՞ղ է հանդիսատեսը գլորում ժամանակը անտրակտի ընթացքում:

Թատերական բուֆետը անշուք ու խխճուկ գաստրոհաստատություն լինելուց զատ, իսկական բամբասանքների, ետնաբեմյան ասեկոսեների ու քննարկումների բեմահարթակ է։ Եթե հանդիսատեսից շատերի համար թատրոն այցելելը կարևոր իրադարձություն է , որը ենթադրում է ոչ միայն երկար սպասված ներկայացման դիտում, այլ նաև ընմիջումների ժամանակ մեկ բաժակ սուրճի վայելում, ապա ներթատերական կյանքը հոսում է հենց բուֆետում։ Ծննդյան տարեդարձներ ու կոչումների շնորհումներ, պրեմիերաներ ու թատերական շջանների փակումներ. թատրոնի կյանքը պտտվում է թատերարվեստի յուրաքանչյուր ծննդատան շենքում ու ամբարվում հենց բուֆետի պատերի ներքո:

Ոչ վաղ անցյալում, թատրոնների բուֆետները հասարակ մահկանացուների համար ամենահարմար վայրն էին, որտեղ կարելի էր հանդիպել, զրուցել, երբեմն էլ մի-մի բաժակ «քցել» սիրելի դերասանների հետ:



Եվրոպական «բեմերում» ներկայացումների ընդմիջումների ժամանակ մատուցում են նույնիսկ շամպայն, կոնյակ և այլ թանկարժեք ալկոհոլային խմիչքներ: Սակայն մեր մշակույթում թատրոնը արվեստի օջախ է, և գինովնալ ներկայացման երկու ակտերի արանքում, առնվազն բարբարոսություն կհամարվի։ Դա ընդունելի էր անցյալում, երբ Արտաշես արքային ներկայացման ընմիջման ժամանակ մատուցում էին հռոմեացի Լուկուլլոսի գլուխը: Ներկայացումները կերուխումի վերածելու բարդույթը մենք հաղթահարեցինք, իսկ Եվրոպան դեռ ոչ:

Թատրոնների «բուֆետային» առաջատար կարելի է համարել Ռուսաստանին։ Այստեղ շատ բուֆետներ կարելի է համեմատել Երևանի սրճարանների հետ, սակայն վերջիններս էլ հնարավոր է զիջեն այս կամ այն հարցում։

Ահա Ձեր դատին ենք ներկայացնում մի քանի Երևանյան թատրոնների բուֆետներ:

Թատերական արվեստների ստուդիայում պահպանվել է հին կոլորիտը, բայց այն չի խանգարում մատուցել ժամանակակից սնունդ՝ սենդվիչներ, կեկսեր:

Պրակտիկա թատրոնն ունի ավելի ժամանակակից տեսք: Այստեղ կարելի է նստել առանձին սեղանների մոտ, վայելել սուրճ, մի բան ուտել ու ցանկության դեպքում նաև կարդալ:

Գոգոլ կենտրոնում թարմ տեսքից բացի մշտապես թարմացնում են նաև մենյուն: Այստեղ կարելի է գտնել մոցառելա պատրով սենդվիչներ և թարմ մրգային հյութեր:

Չեխովի թատրոնում բուֆետն ավելի փոքր է, սակայն շատ են նստատեղերը: Դե իհարկե, այստեղ նույնպես կարելի է վայելել արագ սնունդ:

Տիկնիկային թատրոնում ամեն ինչ նախատեսված է երեխաների համար: Նրանք կարող են խաղալ ու կշտանալ: Համեղ պիցցաներ և թխվածքներ՝ այն ինչ սիրում են երեխաները:



Reservin-ն այցելեց Երևանի գրեթե բոլոր թատրոններ և առաջինը հենց Հովհաննես Թումանյանի անվան պետական տիկնիկային թատրոնն էր: Թատրոնում մեզ ջերմ ընդունեցին և չզարմացան, մեր ՝ բուֆետի մասին խոսելու ցանկությունից: Մարինե Ստեփանյանը սիրում է երեխաների հետ շփվել ու աշխատել: Բուֆետը տարածքով ավելի փոքր է և ավելի շատ հիշեցնում է խանութ, որից երբեմն օգտվում են նաև դերասանները: Բուֆետը բաց է լինում միայն ներկայացումների ընդմիջումների ժամանակ: Տիկնիկային թատրոնը պահպանում է իր կոլորիտն ու բուֆետում ուտելիքներից բացի վաճառում է նաև ծաղրածուի քթեր՝ երեխաների օրն ավելի տոնական ու ուրախ դարձնելու համար: Իսկ բուֆետ-խանութը զարդարում են տիկնիկները: Մեր տիկնիկային թատրոնը չի զիջում ռուսականին, այստեղ նույնպես ապահովում են երեխաների ժամանցը:

Երևանյան մյուս թատրոնների բուֆետներ մտնել ու նկարահանել մեր ստեղծագործական թիմին այդպես էլ չհաջողվեց: Հակոբ Պարոնյանի անվան երաժշտական կոմեդիայի պետական թատրոնում մեզ հայտնեցին, որ բուֆետ չունեն, իսկ Գաբրիել Սունդուկյանի անվան ազգային ակադեմիական թատրոնում մեզ տեսնելուց, ոչ միայն չուրախացան, այլ նաև բարկացան ու տխրեցին: Ասելով, որ բուֆետ անունն անգամ լսել չեն ուզում:

Հայաստանում թատրոն քչերն են այցելում, ներկայացումներն էլ քիչ են: Գուցե հենց այդ պատճառով էլ բուֆետը չի հետաքրքրում թատրոններին: Երևանի թատրոններում, փաստորեն, կարելի է գտնել միայն հոգևոր սնունդ:

1602

(*). նշվածները պարտադիր են լրացման

 

Տվյալներ չկան
^ Վեր