Հայտնի և հանրաճանաչ. լավագույն շեֆ-խոհարարների թոփ-հնգյակը [Vol.2]

Հայտնի և հանրաճանաչ. լավագույն շեֆ-խոհարարների թոփ-հնգյակը [Vol.2]

ՄԱՍ 2

Reservin-ը շարունակում է իր ընթերցողին ծանոթացնել խոհարարական աշխարհի լավագույն շեֆերի հետ։ Ձեր դատին ենք հանձնում գաստրո-հանճարների հերթական թոփ-հնգյակը։



1. Բոբբի Ֆլայ

Իռլանդական ծագումով ամերիկացի շեֆ-խոհարարը բազմիցս գլխավորել է առաջատար ռեստորատորների ամերիկյան ռեյտինգը։ Աստղային շեֆ, հաղորդավար, ռեստորանային ցանցի սեփականատեր. փառքի գագաթնակետին նա հասել է բնատուր տաղանդի և համարձակության շնորհիվ։ Գաստրոնոմիայի նկատմամբ նա անտարբեր չէր դեռ մանկուց։ Ութամյա Բոբբին առաջին անգամ զարմացրեց ծնողներին, երբ սուրբծննդյան տոնի կապակցությամբ նրանցից ավտոմատացված ջեռոց խնդրեց։ Պատանեկան տարիներին էլ աշխատել է պիցցերիայում, Բասկին Ռոբբինսում, հանրահայտ շեֆ-խոհարար Ջո Ալենի ռեստորանում, որի համասեփականատերը Ֆլայի հայրն էր՝ Բիլլը։ Հենց այնտեղ էլ Բոբբին բացահայտեց իր խոհարարական տաղանդը։ 1993 թ․ Ֆլայը բացեց իր առաջին բար-ռեստորանը, որն անվանակոչեց Bolo։ 1994 թ․ նա հրատարակեց իր դեբյուտային գիրքը։ Այսօր նա ավելի քան 13 գրքի հեղինակ է։ Խոհարարական շոուների մշտական հյուր է, բարձրակարգ ռեստորանային ցանցի սեփականատեր, 13 հեռուստանախագծերի հաղորդավար, բազմաթիվ ֆիլմերի, սերիալների և անիմացիոն կինոնկարների կամեո (hրավիրված դերակատար)։



2. Վոլֆգանգ Պակ

Ականավոր ավստրիացի ռեստորատոր, շեֆ-խոհարար և բիզնեսմեն Վոլֆգանգ Պակին երբեմն կարելի է հանդիպել հեռուստաէկրանին՝ խոհարարական շոուի հաղորդավարի կարգավիճակում։ Նրա ռեստորանները, գաստրո գրքերը, հասարակական սննդի ծառայությունները և լիցենզավորված ապրանքները նա միավորել է “Wolfgang Puck Companies” անվան տակ։ Խոհարարական արվեստի գաղտնիքները նրան է փոխանցել մայրը։ Նրա ֆիրմային ուտեստը ձկնկիթով և ապխտած սաղմոնով պիցցան է։ Այսօր Պակի ռեստորանային ցանցը վերաճել է հսկայական կայսրության։ Նա համարվում է խոհարարական նորաձևության օրենսդիրը, կազմակերպում է մի շարք բոհեմական բանկետներ, այդ թվում նաև՝ Հոլիվուդյան “Օսկարի” շրջանակներում ավանդաբար կազմակերպվող նահանգապետական հանդեսը։



3. Թոմաս Կոլիչչո

Հանրահայտ ամերիկացի վարպետը՝ Նյու-Յորքի “Գրամերսի” ռեստորանի համահիմնադիրներից էր։ 2003 և 2005 թթ. նրա ղեկավարած հաստատությունը ճանաչվել է ԱՄՆ լավագույն ռեստորան։ Այդուհանդերձ Կոլիչչոն որոշեց վաճառել ռեստորանի իր բաժնեմասը և ձեռնամուխ եղավ հիմնադրելու իր սեփական՝ “Craft” ցանցը։ Կարիերայի ընթացքում ձեռք բերված խոհարարական հմտությունների մակարդակի համար հինգ անգամ պարգևատրվել է լեգենդար խոհարար Ջեյմս Բյորդի անվան մրցանակով։ Այսօր Կոլիչչոն ղեկավարում է ռեյտինգային “Top Chef” ռեալիթի-շոուի ժյուրին։  Հիմնականում իտալական խոհանոց է նախընտրում (դե,  ազգային պատկանելիությունն իրենն ասում է): Թոմասի խոհարարական տաղանդը հայտնի է նաև ԱՄՆ սահմաններից դուրս։ Լինելով իր գործի վարպետը, Կոլիչչոն չափազանց խնամքով է ընտրում իր կերակուրների համար անհրաժեշտ բաղադրիչները։ Օրինակ, ռեստորաններից մեկում, ապրանքը տեղափոխում են ինքնաթիռով։ Իր տարեկան եկամուտը կազմում է ավելի քան 2 մլն դոլար։



4. Խոսե Անդրես

Ծագումով իսպանացի այս շեֆ-խոհարարը մոլեկուլյար խոհանոցի հիմնադիրներից մեկն է։ Forbes ամսագրի վարկածով՝ աշխարհի ամենաազդեցիկ մարդկանցից մեկն է. համաձայնե՛ք, շեֆ-խոհարարի համար դա հազվագյուտ ու մեծ ձեռքբերում է։ Անդրեսը դասավանդում է նաև Հարվարդի համալսարանում: Իսապանական խոհանոցի ջատագով է և, վերջինիս նվիրված գրքերի հեղինակ։ Երկու անգամ ճանաչվել է ԱՄՆ լավագույն շեֆ-խոհարար, տարվա լավագույն խոհարար։ Գաստրո աշխարհ մուտք է գործել 15 տարեկանում. սովորել է Բարսելոնի ռեստորատորների դպրոցում։ Աշխատել է հեղինակավոր կատալոնացի շեֆ Ֆեռռան Ադրիայի մոտ։ ԱՄՆ տեղափոխվելով հիմնադրել է իր առաջին “Հալեո” ավանդական իսպանական պանդոկը, իսկ հիմա յոթ ռեստորանների սեփականատեր է։



5. Ֆեռռան Ադրիա

Ադրիային անվանում են նաև մոլեկուլյար տեխնոլոգիաների Մենդելև, քանի որ նա ևս մոլեկուլյար խոհանոցի հիմնադիրներից մեկն է: Նրա հիմնադրած, մոլեկուլյար խոհանոցը ներկայացնող El Bulli ռեստորանը գտնվում է Կատալոնիայի Կոստա-Բրավա առափնյա քաղաքում։ Սեզոնային է․ աշխատում է ապրիլից մինչև հոկտեմբեր։ Ազատ ժամանակն Ադրիան օգտագործում է բաղադրատոմսերի կատարելագործման համար։ Դրանով նա զբաղվում է elBullitaller խոհանոցային լաբորատորիայում, որտեղ խոհարարներից բացի աշխատում են քիմիկոսներ և սննդի տեխնոլոգներ։ Նրա հիմնական նպատակն է խոհանոցը ներկայացնել որպես անհավանական համերի, տեքստուրների և ջերմաստիճանի համադրություն։


Ի դեպ, շուտով Reservin-ը՝ կներկայացնի հայկական խոհարարներին նվիրված իր սեփական նախագիծը։ Իսկ ո՞վ է Ձեր սիրած հայ խոհարարը:

1329

(*). նշվածները պարտադիր են լրացման

 

Կարինա Օգոստոս 30, 2016

Բոլոր հոդվածները շատ հետաքրքիր են․
Վազգեն Օգոստոս 30, 2016

Հետաքրքիր էր շատ․շնորհակալ եմ․
Lusine Օգոստոս 30, 2016
Vizualner@ shat lavn en,
Vera Օգոստոս 30, 2016
Shnorhalautyun hetaqrqir er shat
Annie Օգոստոս 30, 2016
Indz shat dur ekav.
Վարդան Օգոստոս 29, 2016

Շատ լավն էր․
Армина Օգոստոս 26, 2016

Риспект дизайнеру.
^ Վեր