Ռոբերտո Կել Տորրես. Կուբայական կրքեր Mezzo-ում

Ռոբերտո Կել Տորրես. Կուբայական կրքեր Mezzo-ում

Ռոբերտո Կել Տորրեսի երկար սպասված համերգը տեղի կունենա Մայիսի 1-ին:  Mezzo Classic House Club-ում համերգային ծրագրով հանդես կգա տաքարյուն, գեղեցկադեմ և անկրկնելի ձայնով կուբացի երգիչ Ռոբերտո Կել Տորրեսը, իսկ նրան կնվագակցի Camaradas Band-ը:

Կել Տորրեսը հայտնի է մեզ 2013 թվականից, երբ նա մասնակցեց և հաղթեց Յուրմալայում կայացած Նոր Ալիք մրցույթում: Կուբացի երգիչը գրավեց բոլորին ոչ միայն իր ձայնային տվյալներով այլև գրավիչ արտաքինով: Պարզվում է, որ երիտասարդը երգել սկսել է ավելի շուտ, քան խոսել: Երեք տարեկանում նա արդեն հանդես էր գալիս Կուբայի մի քանի խմբերում:



Քչերին է հայտնի, որ ժամանակակից երգեր մատուցող այս երիտասարդը ժամանակին հետաքրքրվել է դասական երաժշտությամբ և 17 տարեկանում արդեն Կուբայի ազգային օպերայի երգիչներից է եղել: Վերադառնալով ժամանակակից երաժշտությանը Տորրեսը մասնացկել է երաժշտական մի քանի նախագծերի և արժանանացել այնպիսի մարդկանց համակրանքին, ինչպիսիք են՝ Հերբի Հենքոքը, Քեննի Օրտեգան և այլք: Տորրեսը սիրում է կատարել կուբայական սալսա և խոստովանում է, որ կարող է իր ելույթների ժամանակ և՛ երգել, և՛պարել: Այսինքն, բացառված չէ, որ դուք կստանաք հնարավորություն նաև սալսա պարելու: Նրա ոգեշնչման աղբյուրը սերն ու կյանքն են:

Իսկ Հայաստանում նրա համերգի բացառիկ հնարավորությունը ընձեռում է Mezzo Production-ը: Կել Տորրեսը հայտնի է իր Historia De un Amor երգով, բացի այդ երգից, առաջարկում ենք լսել նաև նրա Baila կատարումը: Իսկ երևանյան համերգի ժամանակ գուցե, կուբացի երգիչը կուրախացնի բոլորովին նոր երգերով:



Եթե Ձեզ հետաքրքրեց կուբացի երգչի պատմությունն ու անպայման ուզում եք ներկա գտնվել նրա համերգին, ուրեմն առաջարկում ենք ձեզ նախապես ամրագրել Ձեր տեղերը, դե իհարկե, Reservin-ի միջոցով:

Համերգը տեղի կունենա մայիսի 1-ին, ժամը 21:00-ին՝ Mezzo ակումբում:

2374

(*). նշվածները պարտադիր են լրացման

 

Տվյալներ չկան
^ Վեր