Թրամփային սինդրոմ կամ աբսուրդի հասնող քննարկումներ.... Սպասիր աշխարհ, մենք զբաղված ենք` Թրամփն է եկել:
Արդեն երկրորդ օրն է, ինչ ներկայացվեցին ԱՄՆ-ում նախագահական ընտրությունների արդյունքները, սակայն բոլոր մարդիկ անդադար քննարկում և կիսվում են ամենատարօրինակ մտքերով ու կանխատեսումներով Դոնալդ Թրամփի մասին. այնպիսի տպավորություն է, կարծես թե աշխարհը նախապատրաստվում էր ընտրությունների նման եզրահանգմանը դեռ վաղուց:
Մենք մի փոքր ուսումնասիրեցինք ցանցային ռեսուրսները, որպեսզի հասկանանք, թե ինչպիսինն է սննդի ոլորտի սպառողների հետաքրքրությունը այս իրարանցման վերաբերյալ: Պարզվեց՝ մեր հաճախորդները և շատ այլ մարդիկ ևս հետաքրքրված են Դ.Թրամփով, սակայն այլ տեսնակյունից:
Դոնալդ Թրամփն ունի իր սթեյքի և օղու մակնիշավորված արտադրատեսակները: Ընտրվելուց հետո կտրուկ մեծացել է նրանց նկատմամբ հետաքրքրությունը.
Ի՞նչ ուտեստներ է սիրում Դոնալդ Թրամփը.
Այո, որքան էլ զարմանալի է հնչում, դեռ երկրոդ օրն է, սակայն կարելի է բախվել արդեն այնպիսի լուրջ հարցերի հետ, թե որոնք են նորընտիր նախագահի սիրած ուտելիքները և մարդկանց քննադատությունները այդ առումով: CNN-ին հարցազրույց տալու ժամանակ Թրամփը նշեց, որ նա ֆաստֆուդ ֆորմատի վայրերի սիրահար է, և անգամ նախընտրում McDonalds-ի ՛՛Fish Delight՛՛ ուտեստը (որը սակայն McDonalds-ի ցանկում երբևէ գոյություն չի ունեցել. չի բացառվում, որ մարդկանց նման բուռն արձագանքներից հետո այն շուտով կավելանա նրանց ճաշացանկում :D):
Թրամփն անգամ նկարվեց իր անձնական ինքնաթիռում՝ ներկայացնելով, թե որքան ազատ և անմիջական նա կարող է օգտվել արագ սննդից: Իհարկե, դա բարձրացրեց մի նոր քննարկման ալիք, որտեղ մարդիկ շեշտադրում էին, որ ֆաստֆուդը չեն ուտում օգտագործելով սպասք, և դա Թրամփի հերթական PR քայլերից էր պարզապես (ինչպես ցույց տվեց ընտրությունների ավարտը՝ արդյունավետ PR քայլերից մեկը): Իսկ սննդի ցանցերից մեկում՝Burger King-ում, մարդիկ անգամ կարող են համտեսել արդեն ՛՛Թրամփ բուրգերը՛՛:
Թրամփը նախընտրում է մսային ուտեստներ առանց հավելումների, որոնք սովորաբար սիրում են մարդիկ, ովքեր առանձնանում են իրենց անմիջականությամբ և խարիզմայով, ակտիվ և ինքնավստահ են:
Սերը պաղպաղակի նկատմաբ մեկնաբանվում է նրա բնավորության այն կողմը, որ Թրամփը սիրում է անել բարություն մարդկանց, բայց ոչ անշահախնդիր: Նման մարդիկ ձգտում են կատարելությանը և օժտված են լավ բանակցելու և կառավարելու հմտություններով:
Մեր մյուս հետաքրքիր հոդվածները կարդալու համար սեղմեք այստեղ:
