«Գիրք չխնդրել», այլ նվիրել

«Գիրք չխնդրել», այլ նվիրել

Հովհաննես Թումանյանի ծննդյան օր՝ փետրվարի 19-ը, պաշտոնապես ընդունված է նշել որպես գիրք նվիրելու օր։ Թեև ինքը՝ ամենայն հայոց բանաստեղծը, բնավ չէր սիրում, երբ իրենից գիրք էին խնդրում, նրա տան գրապահարանի վրա հատուկ գրություն կար՝ գիրք չխնդրել»։ Սակայն ճակատագրի հեգնանքով հենց նրա անվան հետ մեկնդմիշտ կապվեց գիրք նվիրելու պաշտոնական օրը։



Թումանյանի կյանքի ու ստեղծագործությունների մասին շատ են գրել ու դեռ այնքան շատ կգրեն։ Սակայն նրա կենցաղից որոշ փաստեր,նախասիրություններ ամենքին հայտնի չեն: Բանաստեղծի ծննդյան առթիվ որոշեցինք երևան հանել նրա նախասիրությունները կերակրի ասպարեզում։



Լինելով հայ ազգի հանճարեղ զավակներից մեկը՝ նա ապրում էր հասարակ կյանքով՝ ճաշակելով գյուղական կյանքի բոլոր գույներն ու համերը: Բանաստեղծի սիրած կերակուրների շարքում գաթայի մի տեսակ կար ագդակ անունով,որը պատրաստում էին Լոռվա գյուղերում:



Թումանյանն անտարբեր չէր նաև ավելուկով ճաշատեսակների հանդեպ: Շատ էր սիրում ունաբ, լեբլեբի, քիշմիշի չամիչ: Թումանյանի ամենասիրած խնձորի տեսակը կոչվում է«աղդաղ»:



Քչերը գիտեն,որ Թումանյանը նաև ձկնեղենի սիրահար էր, ընդ որում՝ ինքն էլ պատրաստում էր: Նույնիսկ մի բաղադրատոմս կա՝ Թումանյանի ձեռքով գրված.«Ձուկը համեմել,փաթաթել գազեթի մեջ ու խորովել փռում:Գինիներից նախընտրում էր «Մադերա»-ն, սուրճը խմում էր կոնյակով:

Ի գիտություն գիրք նվիրողներին։ Reservin առցանց ամրագրման համակարգն իր գործընկերների հետ սկիզբ է դրել«Նվիրիր Գիրք Զինվորին»նախաձեռնությանը։ Այս օրը հիանալի առիթ կարող է հանդիսանալ նախաձեռնությանը միանալու համար։

Հ. Գ.-Տեղեկությունները տրամադրելու համարReservin.am-ը շնորհակալություն է հայտնում Հ. Թումանյանի թանգարանին:

2317

(*). նշվածները պարտադիր են լրացման

 

Meline Փետրվար 22, 2016

esinch lavn en nkarnere :))))
Ashot Փետրվար 21, 2016

Լավ նյութեր մերսի
Aida Փետրվար 19, 2016

^ Վեր