Երգչուհին ծնվել է 1977թ-ի հունվարի 27-ին, Սեվերոմորսկ քաղաքում: Վաենգա բեմական անունը երգչուհուն շնորհել է նրա մայրը. դա իր հայրենի Սեվերոմորսկ քաղաքի և դրան մոտ հոսող համանուն գետի անունն էր մինչև 1951թ-ը: Երգչուհու իրական անունն Ելենա Վլադիմիրովնա Խռուլյովա է:
«Իմ ստեղծագործական կյանքի նպատակը կայանում է նրանում, որ հանդիսատեսի հետ շփման ժամանակ ես համոզվեմ, որ նա տեսնում և զգում է այն, ինչ ես ուզում եմ փոխանցեմ, որ հանդիսատեսը իմ երգերի հետ լացում է ու ծիծաղում, որ հաճույք է ստանում ոչ միայն լսելուց, այլև՝ վայելում է տեսարժան ելույթ... Ես արվեստի մարդ եմ, ես դրանով եմ շնչում: Ամեն երգ ունի իր պատմությունը… Եվ եթե իմ երգը մեկի հոգու և սրտի, իսկ երբեմն էլ՝ ապաշխարհության արտացոլումն է, ապա ես հասել եմ իմ նպատակին: Արվեստը պետք է մաքրի մարդկանց ….»
Ս. Պետերբուրգի Երաժշտական Ուսումնարանի դաշնամուրի բաժինը ավարտելուց հետո, Ելենան սովորել է թատերական ակադեմիայում, սակայն նա իրեն համարում է երաժիշտ, և ինչպես ինքն է նշում՝ «Ես իրական եմ երաժշտության հետ, բեմի վրա: Այո, այստեղ կա որոշակի պարադոքս, որովհետև մարդ պետք է իրական լինի կյանքում, իսկ բեմի վրա գոնե մի քիչ պետք է խաղա, իսկ իմ մոտ ամեն ինչ ճիշտ հակառակն է՝ ես իրական եմ բեմի վրա, իսկ իրական կյանքում ես մի քիչ խաղում եմ...»
Հենց այսպիսին է՝ Ռուսական էստրադայի փոփ երգչուհի, երգահան, կոմպոզիտոր, դերասանուհի, «Տարվա Շանսոն» մրցանակի հաղթող՝ Ելենա Վաենգայի բնորոշումը իր գործունեության և հիմնական առաքելության մասին:
Թեև իր հարցազրույցներից մեկի ժամանակ երգչուհին նշել է, որ տարեթվեր ու ընդհանրապես թվեր մեծ դժվարությամբ է հիշում, սակայն վստահորեն հիշում է, որ իր առաջին երգի երաժշտությունը գրել է շատ վաղ հասակում՝ 9 տարեկանում, Եսենինի բառերի հիման վրա: Ներկայումս դժվար է հստակ նշել, թե երաժշտական ո՞ր ժանրում է նա հիմա հանդես է գալիս: Նրա երգերի մոտ կեսը ֆոլկ-ռոք է, սակայն կան նաև հին բալլադներ, քաղաքային ռոմանսներ, շանսոն և գրեթե անհնար է որևէ հստակ սահման անցկացնել նրա ստեղծագործական ժանրերի միջև:
Տաղանդավոր արտիստը առաջին անգամ է հյուրընկալվում Երևանում, համերգը կկայանա սեպտեմբերի 14-ին, ժամը 19:00-ին Կարեն Դեմիրճյանի անվան մարզահամերգային համալիրի համերգային սրահում: Համերգի կազմակերպիչն է մեր գործընկեր Mezzo Production-ը :
Մանրամասներին կարող եք ծանոթանալ հետևյալ հղումով:
.png)
