«Սպասարկող Ժպիտներ». Արսեն

«Սպասարկող Ժպիտներ». Արսեն

Առաջին բարմենները հայտնվել են Միացյալ Նահանգներում՝ դեռևս «ոսկե տենդ»-ի ժամանակներում։ Համարվում է , որ այս մասնագիտությամբ առաջինն աշխարհին է ներկայացել ամերիկացի Ջերրի Թոմասը։;

Այսօր բարմենները թերևս ամենահայտնի մասնագետներից են։ Բարմենը և՛ հոգեբան է, և՛ զրուցակից,և՛ ընկեր ու պարբերաբար նաև խորհրդատու։ Այդ իսկ պատճառով, մեր «Սպասարկող Ժպիտներ» խորագրում այս անգամ որոշեցինք անդրադառնալ հենց այս մասնագիտության տեր մարդու։


Van Gogh Art Cafe


Արսենը Van Gogh Art Cafe-ի հայտնի բարմենն է։ Հաճախորդները նրան ճանաչում են ոչ միայն որպես խմիչք մատակարարող, այլև իսկական ընկեր ու խորհրդատու։ Մենք զրուցեցինք Արսենի հետ, ինչպես նաև խնդրեցինք մեզ ցույց տալ իր աշխատանքային «գործիքները»:



Ինչու՞ որոշեցիք աշխատել հենց այս ոլորտում:

Այս ոլորտում արդեն աշխատում եմ երեք տարի: Թեև մասնագիտությամբ սպորտային թարգմանիչ եմ, բայց որոշում կայացրեցի աշխատել հենց որպես բարմեն՝ չնայած սկսել եմ, որպես մատուցող: Ստացվեց այնպես, որ սպասարկման ոլորտն ինձ դուր եկավ։ Այստեղ աշխատանքի բերումով շփվում ես բազմաթիվ մարդկանց հետ, ձեռք բերում նոր ծանոթություններ, ընկերներ։

Դժվար չէ՞ աշխատել մարդկանց հետ, ովքեր հաճախ կարող են մի փոքր գինովցած լինել:

Յուրաքանչյուր մարդու հետ շփման կարևոր նախապայմանը՝ բարեհամբյուր լինելն է: Երբ ժպտում ես, միշտ դիմացինդ էլ է ժպտում: Այս դեպքում դիմացինիդ արյան մեջ ալկոհոլի պարունակությունն արդեն այդքան էլ էական չէ։ Երբեմն հաճախորդի գինովցածությունն օգնում է նրան բացահայտելու, ճանաչելու։ Իմ աշխատանքային կարևոր գործիքներից մեկը լսողության օրգանն է։ Պետք է կարողանաս լսել մարդկանց, հասկանաս ու երբեմն էլ փորձես օգնել։ Ինչ որ չափով իմ աշխատանքը հոգեբանի աշխատանքին է նման։ Այդ իսկ պատճառով սիրում եմ այն։

Որտե՞ղ ես քեզ պատկերացնում մի քանի տարի անց:

Կան մտքեր ունենալու իմ սեփական ժամանցի վայրը, սակայն դրանք դեռևս միայն հեռավոր պլաններ են:

2082

(*). նշվածները պարտադիր են լրացման

 

Տվյալներ չկան
^ Վեր