6 փետրվարի 17:00
մինչև 6 փետրվարի 22:00
Օլօլօ/ Ololo շարժական տիկնիկային թատրոնը ՏաՏայի հետ համագործակցությամբ ներկայացնում է նոր նախագիծ՝ «Հեքիաթներ ճամպրուկից»: Այս կախարդական ճամպրուկը եղել է աշխարհի գրեթե բոլոր անկյուններում ու ձեզ համար բազմաթիվ հեքիաթներ է բերել: Բավական է բացել այն, ասել կախարդական խոսքերը եւ հեքիաթներն իրենք իրենց դուրս կսողան ճամպրուկից:
Բարեկենդանի տոնին ընդառաջ կներկայացվի Հովհ. Թումանյանի «Բարեկենդանը» հեքիաթը, կծանոթանանք Բարեկենդանի տոնին, կերգենք տոնական երգեր: Նախագիծն ինտերակտիվ է՝ երեխաները կմասնակցեն հեքիաթի ստեղծմանը եւ զարգացմանը, իրենք կպատրաստեն հեքիաթի հերոսներին, կօգնեն հաղթահարել դժվարությունները, կերգեն հերոսների հետ, կպարեն:
Հեքիաթ-ներկայացումը նախատեսված է 3-10 տարեկան երեխաների համար իրենց ծնողների հետ: Տեղերը սահմանափակ են, հետեւաբար, նախնական գրանցումը պարտադիր է: Մեծահասակների համար մուտքն արժե 2 000դրամ, իսկ երեխաների համար` 1 000: Եթե երեխան մասնակցում է առանց ծնողի, մուտքը 2 000դրամ է:
