«Ոսկե ձկնիկը». հեքիաթներ ճամպրուկից

Վարպետության դաս

TaTa

1000Դրամ

Միջոցառումն ավարտվել է
«Ոսկե ձկնիկը». հեքիաթներ ճամպրուկից

Օլօլօ/ Ololo շարժական տիկնիկային թատրոնը եւ ՏաՏան շարունակում են ներկայացնել «Հեքիաթներ ճամպրուկից» շարքը: Այս կախարդական ճամպրուկը եղել է աշխարհի գրեթե բոլոր անկյուններում ու ձեզ համար բազմաթիվ հեքիաթներ է բերել: Բավական է բացել այն, ասել կախարդական խոսքերը եւ հեքիաթները իրենք իրենց դուրս կսողան ճամպրուկից: 

Նախորդ երկու ամիսների ընթացքում ճամպրուկից դուրս եկող հեքիաթները սիրելի են դարձել բազմաթիվ երեխաների համար, նրանցից շատերն արդեն մի քանի ներկայացում են հասցրել դիտել: ՏաՏան ու Օլօլօն միասին որոշեցին այսուհետ նվերներ բաժանել հավատարիմ փոքրիկներին. ապրիլից սկսած՝ մեկ ամսվա ընթացքում ցանկացած երկու ներկայացում դիտելուց հետո երրորդին կարող եք մասնակցել անվճար: Այս նվերը գործում է մայրիկ եւ մեկ բալիկ զույգի համար: Դե սպասում ենք հավատարիմ հեքիաթասերներին :)

Այս կիրակի կներկայացնենք «Ոսկե ձկնիկ» հայտնի հեքիաթը: Նախ միասին կբռնենք ոսկե ձկնիկին, բաց կթողնենք, ապա կպահենք մեր ցանկությունները, ասում են՝ նա իրականացնում է դրանք: Նախագիծը ինտերակտիվ է. երեխաները կմասնակցեն հեքիաթի ստեղծմանը եւ զարգացմանը, իրենք կպատրաստեն հեքիաթի հերոսներին, կօգնեն հաղթահարել դժվարությունները, կերգեն հերոսների հետ:

Հեքիաթ-ներկայացումը նախատեսված է 2-10 տարեկան երեխաների համար իրենց ծնողների հետ միասին: Մեր սրահը սահմանափակ տեղեր ունի, հետեւաբար նախնական գրանցումը պարտադիր է` 060 273 000 հեռախոսահամարով :Մեծահասակների համար մուտքն արժե 2000դրամ, իսկ երեխաների համար` 1000: Եթե երեխան մասնակցում է առանց ծնողի, մուտքը 2000դրամ է: 

Մեր հասցեն` Բուզանդի 43 կամ Մաշտոցի այգի (Մարգարյան հիվանդանոցի հարեւանությամբ):

Կհանդիպենք կիրակի` ապրիլի 3-ին, ժամը` 12:00-ին

1150

(*). նշվածները պարտադիր են լրացման

 

Տվյալներ չկան
^ Վեր