ԷՕՆ - Z. մասնաՃՈՒՏի բացում/ Aeon-Z․ BranCHild

Խնջույք (Party). Նոր հաստատության բացում

Aeon

Անվճար

Միջոցառումն ավարտվել է
ԷՕՆ - Z. մասնաՃՈՒՏի բացում/ Aeon-Z․ BranCHild

Հիշու՞մ եք մեր հարցումները, թե որտեղ բացենք 2-րդ ԷՕՆը: Բա հիշու՞մ եք ձեր հարցումները հետո, թե բա ե՞րբ եք բացում, ի՞նչ եղավ? Էն եղավ, որ մենք այս ողջ ընթացքում փնտրում էինք այդ 2-րդին, որ կլիներ նույնքան ջերմ, ուրախ ու էօնական ու կլրացներ առաջինին՝ ստեղծելով նոր արժեք: Մեր ուսումնատենչ էությունը մեզ հասցրեց համալսարանական խաչմերուկ և այս ցուրտ ձմռան օրերին (ինչպես և 3 տարի առաջ), բայց ամենայն արևոտ տրամադրությամբ մենք բացում ենք մեր մասնաՃՈՒՏԸ՝ Զ-ԷՕՆը, կամ ԷՕՆ-Զեյթունը: 

Առավոտյան ժամը 10-ից միասին կնախաճաշենք մեր նոր ԷՕՆում, հետո ամենահամարձակներն իրենց ուժերը կչափեն առաջին ու երկրորդ էօնների անձնակազմի հետ՝ Ջենգայի, Ռումմիկուբի, Ունոյի, Հալլի Գալլիի և այլ սիրված խաղերի սեղանի շուրջ` էօնյան կամ զ-էօնյան քարտեր շահելու ակնկալիքով: Այս ամենը մեր բրենդային երաժշտության, ուրախ տեսահոլովակների, համեղ թեյ/սուրճ/տոնական քաղցրավենիքի, ու նաև կենդանի կատարումների ներքո՝ հենց ԷՕՆ բենդի կողմից: Երևանի 1-ին հակասրճարանի պատմության գիտակներն էլ ողջ միջոցառման ընթացքում հնարավորություն կունենան շահել զէօնյան քարտեր` գուշակելով մտապահված խորթուբորդ հարցերը: 

Եկե՛ք, խաղացե՛ք, նվագե՛ք, չայվե՛ք և էօնվե՛ք մեզ հետ այս մեր ու ձեր կողմից այսքան սպասված օրը՝ այն դարձնելով անմոռանալի (վերջում, իհարկե, հարցնելով "Բա 3-րդը ե՞րբ եք բացելու"):


Մուտքն անվճար է և առանց ուսանողական տոմսերի ;) :
Ամրագրման համար զանգահարել 06 273 000։

625

(*). նշվածները պարտադիր են լրացման

 

Տվյալներ չկան
^ Վեր