Իտալական ռեստորանը-սրճարանը հանրաճանաչ Royal Tulip Yerevan հյուրանոցի հարեւանությամբ է: Առաջին հարկը նայում է դեպի Շառլ Ազնավուրի անվան հրապարակ, երկրորդ հարկը լաունջ ոճում է, որտեղ կարող եք պատվիրել 150-ից ավելի կոկտեյլներ: Դրանց մեկ երրորդը հեղինակային ու քիչ հանդիպող են:
Բարի զարդն, իհարկե, հանրաճանաչ Martini վերմուտն է: Ճաշացանկում հիմնականում եվրոպական ու հատկապես իտալական խոհանոցի լավագույն անուններն են՝ լազանյա, ռավիոլի, սթեյք ոսկորի վրա եւ այլն: Ալկոհոլը կարող եք համադրել տեղում պատրաստվող քաղցրավենիքով ու աղանդերով: Martini Royal Café-ի նկուղային հարկը հատկացված է գինուն՝ տասնյակ տեսակներ աշխարհի շատ երկրներից: