Reservin.am-ի լրագրողները, հավատարիմ մնալով մեր կայքի ավանդույթներին, շարունակում են հարցազրույցներ վերցնել լավագույն երաժիշտներից։ Այս անգամ Մելինե Տոնոյանը զրուցել է Գոռ Սուջյանի հետ Kami Club-ում Արտյոմ Մանուկյանի հետ ունեցած համատեղ համերգից առաջ։
Մելինե,- Ողջույն ես Մելինեն եմ Reservin.am-ից։ Մենք զբաղվում ենք ժամանցի վայրերում սեղանների առցանց ամրագրմամբ, ինչպես նաև ունենք բլոգ, որտեղ ներկայացնում ենք քաղաքում տեղի ունեցող հետաքրքիր միջոցառումները՝ հարցազրույցների կամ ֆոտոլուսաբանման տեսքով։ Ի դեպ, նոյեմբերի 30-ին մենք տոնում ենք մեր գործունեության առաջին տարեդարձը և սիրով հրավիրում ենք Ձեզ և Ձեր խմբին Paparazzi Club մասնակցել մեր Birthday Party-ին։
Գոռ,- Շնորհակալ եմ հրավերի և հրավիրատոմսերի համար։
Մելինե, -Կարո՞ղ եք հիշել Ձեր առաջին ելույթը: Ի՞նչ զգացողություններ ունեիք:
Գոռ,- Տարբեր ելույթներ եմ ունեցել սկսած դպրոցի տարիներից, սակայն բեմում առաջին ելույթս եղել է Downtown ակումբում: Դա շատ հին ակումբ էր, որը գտնվում էր Սայաթ Նովա փողոցի վրա: Դե, զգացողություններս էլ հիասքանչ էին, քանի որ մինչ այդ ես երազում էի կենդանի նվագախմբով ելույթ ունենալ:
Մելինե, -Եթե հնարավորություն ունենայիք հետ բերել “Եվրատեսիլ»-յան օրերը, արդյոք կցանկանայիք ինչ-որ բան փոխել:
Գոռ,- Չէ, չէի ուզենա այդ հնարավորությունը ունենալ: Դա փուլ էր, որը կարևոր էր, որ ես անցնեի ու ես անցա այն:
Մելինե, - Ձեր հայտնի լինելը փոխե՞լ է արդյոք ձեզ: Արդյոք ավելի հայտնի դառնալով դուք սկսել եք ավելի մեծ պատասխանատվություն զգալ Ձեր հանդիսատեսի առջև:
Գոռ,- Ես չեմ մտածում հայտնի լինելու մասին, ես ավելի շատ երաժիշտ լինելու և երաժշտության մասին եմ մտածում: Իսկ պատասխանատվությունը զգում եմ միայն երաժշտությությունը ճիշտ մատուցելու մեջ: Հայտնի լինելը ինձ համար հարաբերական է:
Մելինե, - Ձեր երգերից կ՞ա ինչ-որ երգ, որը կապված է ձեր կյանքում տեղի ունեցած իրադարձության հետ:
Գոռ,- Այո, բոլորն էլ ինչ-որ իրադարձությունների հետ են կապված և բոլորը էմոցիաներ են: Այսինքն այն ամենը ինչը էմոցիա է կյաքում, դա արդեն իրադարձություն է:
Մելինե,- Իսկ կա Ձեր երգերից այնպիսի երգ, որը Ձեզ ավելի հոգեհարազատ է:
Գոռ,- Չէ, բոլորն էլ իմն են ու հարազատ:
Մելինե,- 2014 թվականին Դուք ձայնագրեցիք Out of Control սոլո երգը, որտեղ բոլոր գործիքներով դուք էիք նվագում: Արդյո՞ք այդ ձայնագրելու և տեսահոլովակը նկարահանելու պրոցեսը բարդ էր: Որտեղի՞ց առաջացավ այդ միտքը:
Գոռ,- Դժվար էր, այնքանով որ պետք է այնպես մատուցեի այդ ամենը, որ գործիքները իրար չխանգարեն: Ամեն գործիքը նվագելիս պատկերացնում էի ինձ ինչպես այդ գործիքի նվագող` բասս նվագելիս՝ որպես բասսիստ, հարվածային գործիք նվագելիս՝ որպես թմբկահար և այլն: Ինձ համար դա լավ փորձ էր, և ոչ թե նրա համար էր, որ մարդկանց ցուցադրեի իմ կարողությունները, ալլ նրա համար, որ նվագել չիմանալով, կարողանայի ստեղծել երաժշտություն: Երաժշտության համար կարևոր չէ նվագել իմանալ:
Մելինե,- Արդյոք դուք երբև է երգե՞լ եք այնպիսի երգ, որը ձեր սրտով չի եղել:
Գոռ,- Այո, օրինակ “Եվրատեսիլ”-ի երգը այնքան էլ իմ սրտով չէր, իմը չէր:
Մելինե,- Ի՞նչ ակնկալիքներ ունեք այսօրվա համերգից և արդյոք մեզ սպասվելու են ինչ-որ անակնկալներ:
Գոռ,- Լավ ու դրական էմոցիաների ակնկալիքներ ունեմ: Եկել են բոլորի կողմից շատ սիրված ընկերներս` Արտյոմ Մանուկյանը և Մանուկը Ղազարյան,: Մանուկ Ղազարյանը եկել է Ռուսաստանից, որպես դաշնակահար: Վստահ եմ շատ լավ է անցնելու, բոլորս էլ կարոտած ենք իրար և բեմում դա կերևա և կզգացվի:
Մելինե,- Շնորհակալություն հետաքրքր հարղազրույցի համար.
Գոռ,- Ես ել եմ շնորհակալ:
Մեր մյուս հետաքրքիր հոդվածները կարդալու համար այցելեք Կարդալ բաժին, իսկ ժամանցի վայր ընտրելու և սեղան ամրագրելու համար Հաստատություններ բաժին.
