Աստղիկ Իսկանդարյան


«Բարի գալուստ Հելենի խոհանոց». հենց այսպես էլ յուրաքանչյուր թողարկման սկզբում հայ գուրմաններին ողջունում է հայկական առաջին խոհանոցային բլոգի՝ «Kitchen with Helen» հաղորդաշարի հեղինակ և վարող Հելեն Ուդումյանը: Նրա բլոգը ներկայացնում է տարբեր մշակույթների յուրահատուկ բաղադրատոմսեր լավագույն խոհարարների և ուղղակի խոհանոցը սիրողների կողմից: Վստահորեն կարող ենք ասել, որ «Հելենի խոհանոցն» առանձնանում է իր անմիջականությամբ, դրայվով և համապատասխանում ժամանակակից ինտերնետային պահանջներին: Կարճ տևողությամբ տեսահոլովակների ընթացքում Հելենը փորձում է ցույց տալ, թե ինչպես կարելի է պատրաստել հեշտ, բայց շատ համեղ ուտելիքներ: Հաճախ իր խոհանոց է հրավիրում շեֆ-խոհարարների, ու միասին փորձում են մի համեղ բան պատրաստել, ընթացքում էլ հաճելի զրույց ունենում՝ բացահայտելով խոհանոցային գաղտնիքներ: Հեշտ, արագ, համեղ. սա է հաղորդման սկզբունքը:

Հելենը մասնագիտությամբ ո՛չ խոհարար է, ո՛չ էլ հաղորդավար, պարզապես սիրում է համեղ պատրաստել, համեղ ուտել և ամեն անգամ նոր բացահայտումներ անել ու նոր բան սովորել. «Նման հաղորդաշար ունենալու գաղափարն առաջացավ այն ժամանակ, երբ 7 տարվա դադարից (երկու բալիկների ծնունդ) հետո պետք է կրկին աշխատանքի անցնեի: Երկար մտածեցի ու հասկացա, որ խոհանոցն է այն հոգեհարազատ զբաղմունքը, որն ինձ համար և՛ աշխատանք կլինի, և՛ միաժամանակ հաճույք կպատճառի: Ես փորձում եմ խոհանոցը և ուտելիքը ներկայացնել իր բոլոր գույներով»,- ասում է Հելենը:

Հելենը իր տեսանյութերում հենց այնպիսինն է ինչպիսի իրական կյանքում. «Ինչպես բոլոր տնային տնտեսուհիները ես նույնպես կարևորում եմ ընտանիքին համեղ կերակրելը։ Սիրում եմ ինքնակատարելագործվել, մասնագետներից նոր բան սովորել և չեմ վախենում սխալվելուց, նոր գույն ու համ փորձելուց...»:

Մեր մյուս հետաքրքիր հոդվածները կարդալու համար սեղմեք այստեղ:

4448

Поля, отмеченные *, являются обязательными для заполнения.

 
Список комментариев пуст