«Խաղանք միասին» քարտերի հավաքածուի շնորհանդես

Мастер-класс

TaTa

бесплатно

Событие завершилось
«Խաղանք միասին» քարտերի հավաքածուի շնորհանդես

Ռուսաստանում գործող «Նռան հատիկներ» («Гранатовые зернышки») նախագծի հետ համագործակցությամբ` ՏաՏան ներկայացնում է «Խաղանք միասին» քարտերի հավաքածուի շնորհանդեսը Երեւանում, որը կարող է հետաքրքրել ինչպես ծնողներին, այնպես էլ երեխաների հետ աշխատող մասնագետներին: 

«Խաղանք միասին»-ը մանկական մատնախաղերի եւ խմբային խաղերի հայերեն քարտերի հավաքածու է` ուղղված մինչեւ 7 տարեկան երեխաներին: Մատնախաղերը երեխային կարող են հետաքրքրել անգամ վաղ տարիքում, երբ ծնողն է նրան ներկայացնում, իսկ 2-3 տարեկանից նա արդեն ինքնուրույն կարող է կրկնել: 3 տարեկանից սկսած` երեխաները կարողանում են խաղալ նաեւ խմբային խաղերը: Քարտերն արդեն հասցրել են փորձարկվել «Նռան հատիկներ»-ի մոսկովյան հանդիպումների ընթացքում եւ լուրջ հետաքրքրություն են ձեռք բերել: Նկարազարդման եւ ձեւավորման հեղինակը Հելեն Դորն է, իսկ Արեւիկ Աստաբացյանը յուրահատուկ պատկերներ է մշակել, որոնք շատ լավ համադրված են օգտագործման կանոնների հետ եւ հասկանալի` անգամ դեռ չկարդացողներին: Հավաքածույում օգտագործվել են Կրիստինա Բալայանի եւ Սիրամարգ Վարդումյանի խաղերը, որոնց շարքում կան նաեւ բավական հայտնիները, օրինակ` «Աստիճան»-ը կամ «Գետակ»-ը: 

Հավաքածուի շնորհանդեսը նախատեսված է նաեւ երեխաների համար. Մոսկվայից ժամանելու է քարտերի խմբագիր, նախադպրոցական հոգեբանության և մանկավարժության մասնագետ, մայրության եւ մանկության խորհրդատու (консультант по материнству и детству) Գայանե Աղայանը. քարտերը ցուցադրելուց հետո, երեխաները հնարավորություն կունենան նաեւ խաղալ դրանցով, ինչպես նաեւ ստեղծագործել, իսկ ծնողները կարող են խորհուրդներ լսել մասնագետից: Շնորհանդեսի մուտքն ազատ է, այդ օրը հնարավոր կլինի հավաքածուն ձեռք բերել 2500դրամով:

Հանդիպում ենք մարտի 6-ին` կիրակի, ժամը`12:00-ին, ՏաՏայում` Բուզանդի 43, Մարգարյան հիվանդանոցի հարեւանությամբ:

Ամրագրման համար զանգահարել ՝ 060 273 000

1484

Поля, отмеченные *, являются обязательными для заполнения.

 

Нет комментариев
^ Наверх